ETSN: Qaxda qanunsuz ov edən xarici turistlərə ov icazəsi verilməyib

21:30 | 30 Mart, 2021

“Əcnəbi turistlərin Azərbaycana gəlməsi və harada qalmaları, hansı işlə məşğul olacağı barədə bizə məlumat verilmir. Bu, ümumiyyətlə, bizim səlahiyyətimizdə deyil”.

“Report” xəbər verir ki, bunu Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin rəis müavini Bəhruz Məhəmmədov “Ekspert saatı”nda çıxışı zamanı deyib.

O bildirib ki, onların gətirdiyi ov ləvazimatlara nəzarət edilə bilməz: “Nazirlik buna qarışa bilməz. Eyni zamanda ölkəyə gələn turistlərin hərəkət marşrutlarına nəzarətlə bağlı da qanunvericilikdə nəsə yoxdur. Qaxda qanunsuz ov edən əcnəbi turistlərlə bağlı demək istəyirəm ki, onlar ovçu kimi qeydiyyatdan keçməyiblər və onlara ölkə ərazisində ov etmək üçün ov icazəsi də verilməyib”.

Facebookda şərh edin