Qax polisindən daha bir uğurlu əməliyyat – 5 nəfərə qarşı dələduzluq edən şəxs saxlanılıb

17:12 | 11 Oktyabr, 2021

Bakı şəhər sakini 5 nəfərə qarşı dələduzluq edib.

Bu barədə “Report”a Daxili İşlər Nazirliyinin (DİN) mətbuat xidmətindən məlumat verilib.

Bildirilib ki, Qax Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon sakinləri olan 5 nəfərin ümumilikdə 4 000 manat pulunu dələduzluq yolu ilə almaqda şübhəli bilinən Bakı şəhər sakini T.Sadıqlı saxlanılıb.

Faktla əlaqədar Cinayət Məcəlləsinin 178-ci (dələduzluq) maddəsi ilə cinayət işi başlanıb.

Facebookda şərh edin