Əhməd Şahidov Qaxın İngiloy-Kötüklü kəndindəki gürcü-pravoslav kilsəsini ziyarət edib

03:51 | 16 İyun, 2019

Qax rayonunda səfərdə olan tanınmış hüquq müdafiəçisi Əhməd Şahidov ötən gün İngiloy-Kötüklü kəndində yerləşən gürcü-pravoslav kilsəsini ziyarət edib. Kilsədə ibadət edən kənd sakinləri ilə görüşən Əhməd Şahidov onların qayğıları ilə maraqlanıb, arzu və istəklərini dinləyib və qarşıda duran məsələlərlə bağlı fikir mübadiləsi aparıb.

Qaxın gürcü sakinlərini hər zaman diqqətdə saxladığına görə Əhməd Şahidova səmimi təşəkkürlərini çatdıran İngiloy-Kötüklü kənd sakinləri Azərbaycandakı mövcud mültikulturalizm mühitindən razılıqlarını ifadə ediblər.