Qax Gənclərin İnkişaf və Karyera Mərkəzinin könüllüləri uşaq bağçasında balacaları sevindiriblər

18:58 | 8 Fevral, 2020

Qax Gənclərin İnkişaf və Karyera Mərkəzi “Rəngarəng gəncliyimiz” adlı yeni layihənin icrasına başlayıb.

Mərkəzin direktoru Elmir Həşimli AZƏRTAC-ın bölgə müxbirinə bildirib ki, layihə çərçivəsində könüllülər Qax şəhərindəki 2 nömrəli uşaq bağçasının həyətindəki oturacaq və yelləncəkləri al-əlvan rənglərlə boyayıblar. Layihənin keçirilməsində məqsəd gəncləri insanlara faydalı ola biləcək işlərə cəlb etmək, balacaları sevindirməkdir.

Direktor qeyd edib ki, Prezident İlham Əliyevin Sərəncamı ilə 2020-ci ilin ölkəmizdə “Könüllülər ili” elan olunması ilə əlaqədar belə tədbirlər davamlı xarakter daşıyacaq. Növbəti günlərdə “İşgüzarlar klubu”, “Trashtag”, “Kəndimizin ritmi”, “Sərhədsiz gəncliyimiz” və digər tədbirlərin keçirilməsi nəzərdə tutulur.

Facebookda şərh edin